Kompyuter injiniringi

Talabalar ta’lim jarayonida dasturiy mahsulotlarni ishlab chiqish, texnik tizimlarni modellashtirish, raqamli qurilmalarni sozlash, ma’lumotlarni qayta ishlash va zamonaviy IT-infratuzilmalarni yaratish ko‘nikmalariga ega bo‘ladilar. Shuningdek, jamoada ishlash, muhandislik masalalarini tahlil qilish, innovatsion yechimlar ishlab chiqish va startap loyihalar yaratish bo‘yicha kompetensiyalar shakllantiriladi.

Mazkur bakalavr yo‘nalishini tamomlagan bitiruvchilar IT-kompaniyalar, telekommunikatsiya korxonalari, dasturiy ta’minot ishlab chiquvchi tashkilotlar, bank va sanoat tizimlari hamda davlat muassasalarida muhandis-dasturchi, tizim administrator, dasturiy ta’minot ishlab chiquvchi yoki texnik mutaxassis sifatida faoliyat yuritishlari mumkin. Shuningdek, ular magistratura bosqichida ta’limni davom ettirib, ilmiy va professional faoliyatini yanada rivojlantirish imkoniyatiga ega bo‘ladilar.