Magistratura va Klinik Ordinatura

O‘zbekiston Respublikasi Vazirlar Mahkamasining “O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi faoliyatini tashkil etish to‘g‘risida”gi 2017 -yil 18- iyuldagi 515-sonli qarori hamda O‘zbekiston Respublikasi Oliy va o‘rta maxsus ta’lim vazirligining “O‘zbekiston Respublikasi Vazirlar Mahkamasining 2017 -yil 18- iyuldagi 515-sonli qarori ijrosini ta’minlash to‘g‘risida”gi 2017-yil 24-iyuldagi 497-sonli bo‘yrug‘iga muvofiq “Central Asian Medical University halqaro tibbiyot universiteti”da ta’lim sifatini nazorat qilish bo‘limi tashkil etildi.

Klinik Ordinatura va Magistratura bo‘limi universitetning oliy malakali tibbiyot mutaxassislarini tayyorlashga ixtisoslashgan muhim tarkibiy tuzilmasi hisoblanadi. Bo‘limning asosiy maqsadi — sog‘liqni saqlash tizimi uchun zamonaviy bilim va amaliy ko‘nikmalarga ega, mustaqil klinik fikrlay oladigan, ilmiy izlanish olib borishga qodir yuqori malakali shifokorlar hamda mutaxassislarni tayyorlashdan iborat.

Bo‘lim klinik ordinatura va magistratura ta’lim yo‘nalishlari bo‘yicha o‘quv jarayonini tashkil etadi, davlat ta’lim standartlari asosida o‘quv rejalari va dasturlarni ishlab chiqadi hamda ularning sifatli amalga oshirilishini ta’minlaydi. Ta’lim jarayonida nazariy bilimlar amaliy mashg‘ulotlar bilan uzviy bog‘langan holda olib borilib, talabalar va ordinatorlar zamonaviy diagnostika, davolash va profilaktika usullarini chuqur o‘zlashtiradilar.

Bo‘lim faoliyati klinik bazalar, ilmiy markazlar va ixtisoslashtirilgan tibbiyot muassasalari bilan hamkorlikda tashkil etiladi. Bu esa ordinator va magistrantlarga real klinik sharoitda ishlash, murakkab klinik holatlarni tahlil qilish, zamonaviy tibbiy texnologiyalarni qo‘llash hamda ilmiy-tadqiqot faoliyatida ishtirok etish imkonini beradi.

Bo‘lim o‘z faoliyatida ta’lim, ilm-fan va amaliy tibbiyot integratsiyasini ta’minlab, raqobatbardosh, professional va mas’uliyatli mutaxassislarni tayyorlashga xizmat qiladi. Klinik ordinatura va magistratura bosqichi bitiruvchilari sog‘liqni saqlash muassasalari, ilmiy markazlar hamda oliy ta’lim tizimida samarali faoliyat yuritish uchun zarur bo‘lgan chuqur bilim va tajribaga ega bo‘lib yetishadilar.